Christine, DJD Eng'g, Hero  midaog

Gibaraw sa DJD Eng'g ang kampanya sa  defending champion Amihan Bag pinaagi sa pagpukan niini sa iskor nga 81-75 sa pagbukas sa Power Forty Summer League 2008 President's Cup niadtong Martes sa gabii didto sa Inayawan Sports Complex

Sa unang duwa, ang Christine midaog batok sa UTASSCO sa iskor nga 85-79, samtang sa laing duwa ang Hero Commando midaog batok sa Fag Machine sa iskor nga 90-84.

Wala mapahimusli ang 31 puntos nga nakuha ni Michael Arias sa Amihan Bag bisan og 27 puntos lang ang na-iskor ni Carding Vernaiz sa DJD Eng’g  kay gamay ra og nahatag nga suporta ang iyang kaubanan.

Si Vernaiz maoy nangulo sa DJD Eng'g, samtang si Arias mao usab ang nangu sa pilderong Amihan Bag.

Sa laing bahin, si Joey Escalon kinsa mipabuto og 22 puntos maoy nangu sa Christine. Sila si Dela Rama ug Sabellano nagkumboya og 27 puntos.  Ang pilderong UTASSCO  gipangulohan ni Moniva sa iyang 17 puntos.

Lima ka magduduwa sa Hero Commando ug lima usab ka magduduwa sa Fag Machine ang mikulit og double figures atol sa maong duwa.  Apan ang Fag Machine wala makasustiner sa daginutong oras sa duwa hinungdan nga napukan kini.

Sunod semana, mag-abot ang Fag Machine ug ang  Amihan sa alas-7:00 sa gabii  ug sundan sa duwa tali sa Christine ug Hero Commando nga gikatakda sa alas-8:30 sa gabii.

Puntos  MATAG USA

Unang duwa:

Christine (85) -- Escalon 22, Dela Rama 16, Sabellano 11, Eleguin 9, Cejudo 6, Abalo 6, Dacalos 6, Claro 5, Dejacto 2, Labajo 2

UTASSCO (79) -- Moniva 17, Reyes 15, Mercado 10, Nacional 8, Romares 8, Lisondra 6, Yu 5, Filosopo 2, Labajo 2 

Ikaduhang duwa:

DJD Eng’g. (81) -- Vernaiz 27, Cabrera 18, Gerali 12, Abasolo 11, Abadejos 8, Nacario 6, Abatayo 2

Amihan Bag (75) -- Arias 31, Layon 12, Ozon 10, Dejarme 8, Rama 6, Echavez 4, Colinares 3, Yosores 2

Ikatulong duwa:

Hero Commando (90) --Javierto 22, Rosal 16, Genzon 12, Lalican 10, Cabañero 10, Ibones 8, Nacional 2, Navares 2, Tura 2
Fag Machine (84) -- Fuentes 18, Abasolo 17, Mosqueda 16, Sabejon 12, Tabar 11, Kalinga 6, Villoga 3, Cabrera 2