USC Warriors, USJ-R Lady Jaguars naghari
Ang University of San Carlos (USC) Warriors ug ang University of San Jose-Recoletos (USJ-R) Lady Jaguars miposte sa ilang sunod-sunod nga kadaugan aron paghari sa 2nd Cebu Schools Athletics Foundation Inc. (CESAFI) Beach Volley nga natapos kagahapon didto sa Inayagan Beach Resort sa Naga City.
Wala magdahom silang Roderick Arenasa ug Edward Carlo Tecson sa USC ni coach Norvie Labuga nga ilang masakmit ang men's division championship gumikan kay napilde man sila sa USJ-R, 20-25 sa ilang kumbati sa elimination round.
Nasuwertihan ang USC kay sila si James Ryan Rivera ug Edward Ybañez sa University of Southern
Sa sayo pa, ang USC mipukan sa USPF, 25-15 nga miresulta og triple tie tali kanila ug sa USJ-R nga adunay managsamang 3-1 win-loss records.
Gibuak ang panagtabla pinaagi sa quotient system diin ang USC miposte og labing taas nga tie-break output aron pag-angkon sa korona. Ang USJ-R maoy mitapos sa ikaduha, gisundan sa USPF nga mi-okupar sa ikatulo.
Mao kini ang ikaduhang sunod-sunod nga titulo ni Arenasa sa CESAFI beach volley. Ang USC maoy inaugural CESAFI beach volley champion sa men’s division diin si Arenasa nakigtimbang ni Neiljune Dayondon.
Wala sab magpaulahi ang USJ-R Lady Jaguars ni Cebu Hall of Famer coach Grace Antigua ug ila sab nga gilangkat ang women's division title human nila gipalagpot ang University of Cebu (UC) Lady Webmasters, 25-7.
Ang Southwestern University (SWU) Lady Cobras ni coach Janeth Ponte mi-okupar sa ikaduhang dapit nga nagtangag og 4-1 win-loss record. Ang tandem sa Lady Cobras nga sila si Lorie Mae Layno ug Jessa Satina mipukan sa Cebu Doctors' University (CDU) Lady Stallions, 25-18.
Ang USPF mipukan sa USC, 25-20 aron pagpahiluna sa ikatulo.
Ang mga awarding ceremonies sa tanang mananaog sa nagkalain-laing events sa CESAFI himuon karong gabii diha sa New Cebu Coliseum.
- Latest
- Trending
