26th SAC-SMC Awards Night karon nang gabii

Ang mga top performing teams ug individual achievers sa paugnat sa kusog sa tuig 2007 ang hatagan og  pasidungog diin ang Sportswriters Association of Cebu-San Miguel Corporation mopahigayon sa 26th SAC-SMC All-Cebu Sports Awards karong alas-7:00 sa gabii diha sa grand ballroom sa Laguna Garden Restaurant.

Si Philippine Sports Commission chairman William ‘Butch’ Ramirez ug PBA star Dondon Hontiveros maoy pinasidunggang dinapit sa tinuig nga kalihukan nga mopasidungog sa mga outstanding athletes sa nagkalain-laing sporting disciplines sa miaging tuig.

Mao kini ang ikaduhang higayon ni Ramirez, ang Sugbuanon gikan sa Davao kinsa mibanos sa PSC post gikan ni Eric Buhain niadtong Enero 2005 nga motambong sa SAC awards. Siya sab ang mopahurar sa bag-ong hut-ong sa mga opisyales sa organisasyon.

Si Hontiveros, ang true-blooded Cebuano kinsa miduwa sa Magnolia sa Philippine Basketball Association (PBA) maoy guest speaker.

“With Dondon’s experience as a top-level player in the PBA and with the wealth of Ramirez’ wisdom as the country’s premier sports leader, this Saturday’s 26th SAC awarding is definitely a must-attend affair,” matud pa ni outgoing SAC president ug Cebu Daily News sports editor Rick C. Gabuya.

MAJOR AWARDEES

Sa laing bahin, ang Team Cebu City 15-Under football team ubos ni coach Glenn Ramos modawat sab og major awards sa ilang pagdaog sa Philippine Olympic Football Festival.

Uban major awardees mao  ang mga sakop sa World Cup of Boxing team, Donnie Nietes, Gerry Peñalosa, Julius Nierras, Niño Ramirez, University of the Visayas (UV) Green Lancers, Kelly Williams, Jussabele Brillo, Janez Armie Igot, Antonio Gabica, Rubilen Amit, Marites Bitbit, Ricky Ballesteros, Manfred Schuwerk, Felix Tiukinhoy, Dearlie Gerodias, Dancesport-Team Cebu City, Irina Gabasa, Mary Carmelli Garovillo, Arnold Balais, Sally Mae Siso, Reynante Briones, Mary  Stephanie Agbay, Glenn Ansag, Danika Gendrauli, Jasper Cabrera, Oscar Bradshaw, Rogelio Rojas, Ben Marivelles, Joseph, Ben, Manuel,  Edzel  ug Dario Bacarisas, Roel Empacis, Metodio Suico Jr.  ug Harrison Castañares.

CITATIONS

Gipaabot nga modawat og citation tungod sa ilang kadaugan sa miaging tuig mao sila si Lieszl Lumindas-Getaruelas, Mendel Lopez, ang Cebu Road Runners Club, Enrico Llanto, Dodie Boy Peñalosa, Marites Natad, Jannelle Tabio, Cebu Country Club’s men’s team, Vicente Fernandez III, Allan Antigua, Noel Espinosa, Luchie Metante, Vince Marc  Tabotabo, Jacob Lagman, Niño Siso, Niño Surban, Noel Gonzales, UC table tennis team, Vince Torrefranca, USJ-R women’s volleyball team, Mary Evangeline Agbay, Sugar Rey ug Erlando Metante.

Ang winner sa “Athlete of the Year” award nga kuhaon gikan sa major awardees ibutyag karong gabii.