Pagbanabana sa gilay-on

Ang Pool and Billiards Magazine nag-ingon: "Calculate the distance and  direction you want the ball to go."

Usa kini sa angay gyud isilsil kanunay sa alimpatakan sa usa ka magdudula. Ang pagkalkulo o pagbanabana sa distansiya o gilay-on sa bolamano ngadto sa object ball ug ingon man ang distansiya sa object ball ngadto sa pocket gikinahanglan kaayo aron mahimong epektibo ang pagpahigayon sa usa ka tayada.

Sa paghimo sa ingon, madeterminar sa bilyarista ang kusog nga iyang i-aplay ngadto sa tako sa higayon sa iyang pagtira. Matino usab niya ang mamahimong direksiyon sa mga bola, partikular na ang bolamano, human niya ipahigayon ang pagtira. Kay sa matag tira gud, posible gyud nga mahitabo ang ginagmay ug dinagkong mga kausaban sa plastada sa mga bola sa ibabaw sa lamesa.

Importante kaayo ang pagbanabana sa gilay-on ug direksiyon sa bola o sa pocket aron matino usab ang opening alang sa sunod nga tayada. Mao man kini ang sagad sa pagdula  og bilyar. Kutob sa mahimo, kinahanglang kontrolahon ug dominahon nimo ang lamesa aron makabaton kag mas dakung kahigayonan sa pagdaog.

Maingon tang usa ka dakung pagpasagad sa habig sa magdudula ang pagbaliwala sa kamatuoran nga ang pagdeterminar sa dagan o ligid sa bola ug kun asa kini mohunong makaapektar sa katibuk-ang performance sa magdudula. Importante gyud nga maseguro sa magdudula nga ang matag tayada nga iyang himuon magpasiugda og laing opening aron pagtuman sa iyang preparasyon sa dula.

* * *

Akong pagtimbaya og maayong pagbasa sa Banat News ngadto ni Ricky Robles sa Lanao del Norte. Si Ricky suking magbabasa sa Magbilyar Ta. Timbayahon sab nako si Daniel Badrina sa Ormoc City nga nagsunod usab ning maong lindog. Salamat sa suporta.

* * *

MAGBILYAR TA TEXTMATE PORTION: 0918-4148871, 0920-4333153, 0920-5522919, 0920-4539383, 0929-4784408, 0929-5857746, 0920-8534986, 0928-3617485, 0919-7795546, 0918-7531980, 0929-3574613, 0909-2636823 ug 0929-4875596. Text na!

* * *

(Mga sugyot ug pakisayod? Text sa 0910-8105522)