Adlawan mangu sa Cebu riders alang sa Asian Moto Grand Prix
Ang 16-anyos nga si Jon-Jon Adlawan maoy mangulo sa Cebuano riders sa 2008 Motocross Masters of Asia-Puerto Princesa International Motocross Grand Prix nga gitakda karong adlawa adto sa Sta. Monica International Racetrack sa
Uban ni Adlawan, gikan sa Cebu ug PowerSports Racing mao sila si Jubenile Abellar, Ryan ug Renan Alquisola, Andrew Canlas, Alexus Celis, Joy Jocson ug Nonoy Reluya.
Si Alduane Canlas, ang maguwang ni Andrew gipaabot nga mouban sa team, apan kadudahan pa kini gumikan sa injury nga iyang nahiagoman.
Si Adlawan sa Sacred Heart School-Jesuit usa sa mga pambato sa nasud sa Asian 125 seniors action uban nilang 2008 NAMSSA first leg winner Kenneth San Andres ug Glenn Aguilar.
Laing Sugbuanong riders nga mangampanya sa ilang tagsa-tagsa ka dibisyon mao sila si Jubenile Abellar mo-compete sa Asian action ug ang managsuong Alquisola sa Asian junior’s class.
Dugang pa niini, sila si Adlawan ug Alquisolas mo-compete sab sa National action, ang preliminary contest sa international race uban sa ilang Sugbuanong riders.
Sila si Andrew Canlas ug Celis mo-compete sa novice class, samtang sila si Jocson ug Reluya sa executive class.
- Latest
- Trending
