Gipadayag ni Top Rank CEO Bob Arum ang iyang tinguha nga mohimo og "rematch" tali sa Pinoy'ng Z Gorres ug sa Mehikanong si Fernando Montiel karong Mayo kini kun tugotan si Montiel sa Golden Boy Promotions.
Sila Gorres ug Montiel nag-abot niadtong Pebrero 24 sa miaging tuig dinhi sa Sugbu diin ang Pinoy'ng boksidor napukan pinaagi sa "controversial split decision."
Gawas sa Gorres-Montiel rematch, mipadayag sab si Arum nga laing Pinoy'ng boksidor nga si superbantam Bernabe Concepcion ang moaway og balik karong Abril 26. Si Concepcion bag-o pang mihaw-as gikan sa kadaugan batok ni Juan Ruiz didto sa Guanajuato, Mexico. (Yoyo R. Abayan)