Mahimuot ug mahimong kataw-anan kini alang sa uban, apan si Golden Boy Promotions CEO Richard Schaefer nagtuo nga adunay dakung posibilidad nga ang superfight tali nilang Oscar de la Hoya ug Manny Pacquiao mahitabo sa umaabot.
“I do see a chance for that. The person who actually came up with the idea is Larry Merchant (HBO commentator), who I consider to be one of the foremost boxing experts today. There is history of smaller fighters moving up and fighting bigger guys. Roy Jones Jr. moved up 40lbs or so to fight in the heavyweight division," matud pa ni Schaefer segun sa taho sa SportingLife UK.
"So there definitely is a precedent to that and a possibility that something like that could happen," dugang pa sa kanhi Swiss banker nga karon usa na ka boxing executive.
Kinutlo gikan sa susamang tinubdan, gikataho sa doghouseboxing.com nga si Schaefer nagkanayon nga kun mahitabo ang maong away, hayan nga mamahimo kining katapusang away ni de la Hoya.
Si de la Hoya naglaraw nga mo-away sa katapusan higayon sa naghinapos nga bahin karon tuiga o sa unang kuwarter sa tuig 2009.
Sa laing bahin, himalitan kaayo ang tiket sa gi-atngan nga rematch ni Pacquiao batok ni WBC super featherweight champion Juan Manuel Marquez sa Mexico.
"It’s almost sold out, very few tickets remaining. We anticipate it will sell out before fight week. There’s a tremendous amount of interest. Mexicans see that Marquez is their last legend standing after Pacquiao dismantled Erik Morales and Marco Antonio Barrera," matud pa ni Schaefer.
Si Pacquiao makigharong pag-usab ni Marquez sa main event sa eksplosibong "Unfinished Business" karong Marso 15 didto sa Mandalay Bay Resort and Casino sa Las Vegas, Nevada.
Sa una nilang engkuwentro niadtong Mayo 2004, natapos ang ilang duwa pinaagi sa controversial draw.
Sa pagka karon, si Pacquiao naka-sparring na og 31 ka hugna batok sa mas dagku ug mas bug-at nga mga Mehikano nga sila si Rey Beltran, David Rodela ug David Cervantes.
"Everything is absolutely fine and everything is definitely under control," pasalig ni Pacquiao sa iyang mga fans atol sa regular niyang column nga giulohan og "Kumbinasyon" sa mannypacquiao.ph ug philboxing.com.
Si Pacquiao nagkanayon nga mi-focus kaayo siya sa iyang training bisan pa man og gikawatan siya og US$180,000 sa iyang Los Angeles bank account sa ikaduhang asawa sa sinaligan niyang drayber.