4 ka UC-CBM swimmers langoy CVIRAA
Upat ka swimmers sa
Marlins swimming club kinsa mitapos sa ikatulong dapit sa Dinagyang Age-Group Swimming competition didto sa Iloilo City niadtong Enero 25-26 ang molangoy sa 2008 Central Visayas Regional Athletic Association (CVIRAA) meet nga gikatakda karong Pebrero 24 hangtod Marso 2 adto sa Tagbilaran City.
Ang upat ka swimmers naglakip nilang Noel Cañeda ug Paula Abigail Vega sa UC-CBM ug Anthony Linn ug Lyh Ann Navarro, kinsa hugtanon na karong nangandam alang sa rehiyonal nga kompetisyon.
Ang upat ka swimmers ubos sa landong ni multi-titled coach Roland Alvarez mipakita og maayong labok sa ilang tagsa-tagsa ka dibisyon ug ilang gihakop ang duha ka sunod-sunod nga "best swimmer" awards sa mga kompetisyon sa ilang giapilan sa nanghinapos nga bahin sa miaging tuig ug sa sayong bahin ning tuiga.
Hinuon, sa CVIRAA, molangoy sila nga dili haom sa ilang age bracket. Sila si Cañeda ug Vega molangoy sa secondary level samtang ang managsuong Navarro ubos sa elementary level.
- Latest
- Trending
