Pierce, Allen nangulo kadaugan sa Celtics
Nakadepensa ang Boston Celtics sa ilang balwarte pinaagi sa pagpukan sa defending champion San Antonio Spurs sa iskor, 98-90 kagahapon sa National Basketball Association didto sa Banknorth Garden sa Boston, Massachusetts.
Mao kini ang unang daog sa Celtics sa kaugalingon nilang balwarte batok sa Spurs sud na sa 10 ka tuig bisan og wala ang ilang duha ka starters nga sila si forward Kevin Garnett nga nakasinati og abdominal strain ug center Kendrick Perkins tungod sa sore left shoulder.
Ang Boston mirehistro og 16-0 batok sa mga kaatbang gikan sa Western Conference ug ang Celtics miposte sa ilang overall record ngadto sa 39-9 ug maoy labing nindot nga rekord sa NBA
Si Paul Pierce maoy nangu sa Boston sa iyang 35 puntos gisundan ni Ray Allen sa iyang 19 puntos, samtang si Rajon Rondo mitampo sa maong kadaugan pinaagi sa iyang 12 ka assists ug 11 ka rebounds.
Si Duncan mao usab ang nangu sa Spurs nga mipabuto og 22 puntos, milangkat og 14 ka rebounds ug mihatag og unom ka assists. Si Manu Ginobili mitampo og 21 puntos ug si Michael Finley miamot og 19 puntos alang sa Spurs nga nagbitbit og 32-17 nga baraha.
Sa laing bahin, napakyas si Shawn Marion pagkulit og daog ubos sa landong sa Miami Heat kay igo lang kini mipupo og 15 puntos itandi ni Kobe Bryant kinsa mipoga og 33 puntos aron pangulohan ang Los Angeles Lakers ngadto sa 104-94 nga kadaugan didto sa American Airlines Arena sa Miami, Florida.
Ang kapildihan sa Heat maoy naghatag kanila sa ilang labing ngil-ad nga rekord sukad kini nahimong expansion team diin nagsugod sila og 1-22 nga baraha. Sa kasamtangan, ang
Sa laing mga duwa, ang Phoenix Suns midaog batok sa Washington Wiards, 108-107, ang New Jersey Nets midaog batok sa Dallas Mavericks, 101-82, ang Detroit Pistons milubong sa Charlotte Bobcats, 113-87. Giihaw sab sa
- Latest
- Trending
