Gipakita sa University of Cebu (UC) nga dili lang sila maayo sa langoy kondili lakip na sab sa duwang badminton.
Ang UC kinsa maoy midala sa ngan sa Sugbu nanghawod sa Mayor Jerry Treñas Age-Group Badminton Tournament didto sa Sportsville Badminton Courts sa Jaro, Iloilo City.
Ang UC ubos ni coach Dennis Olofernes, misakmit sa boys' 16-under doubles title human gipukan nilang Jeffrey Lepaopao ug Mark Joseph Puentevella ang tandem nilang Joellius Castro ug Christian Tala sa Iloilo, 18-21, 21-16, 21-18.
Ang team nahimutang sab sa ikatulo nga dapit sa men's open doubles kortesiya nilang John Roy Densin ug Lepaopao.