USJ-R/Bibbo Hotdog, UC/Aspac Bank pareho'g tumong

Managsama ug walay laing tumong ang USJ-R/Bibbo Hotdog ug UC/ASPAC Bank ug kini mao ang pag-abante sa finals sa dihang magsangka na sab sila pag-usab sa ilang tagsa-tagsa ka kaatbang sa semifinals sa Reinforced Partner's Cup karong gabii didto sa Mandaue City Sports and Cultural Complex.

Sa gipaabot, si Jun Mar Fajardo kinsa mipabuto og 22 puntos mao gihapon ang mikiat batok sa mga gagmay’ng kaatbang aron pangulohan ang UC/ASPAC Bank ngadto sa kadaugan batok sa DBTC/Unilab-Alaxan sa iskor nga 113-101.

Inspirado kaayo si Fajardo nga nakaduwa kay gisuportahan man siya sa mga UC alumni players nga naghugop didto sa Mandaue aron mosaksi sa abilidad sa batan-ong higante.

Sa laing duwa, yano kaayong gipukan sa USJ-R/Bibbo Hotdog ang CIT/Metro Gaisano sa iskor nga 98-82 aron pag-una sa serye sa semis, 1-0 ug usa na lang ka daog ang ilang kinahanglan aron makaangkon og luna sa finals.