Andam na ang tanan alang sa pagpahigayon sa First Conference sa 2008 Cebu United Bankers Association (CUBA) basketball tournament nga gikatakda karong Pebrero 2 sa alas-10:00 sa buntag diha sa Our Lady of Sacred Heart Gym sa dalan Escario, ning siyudad.
Pito ka mga koponan ang mokumbati sa maong kompetisyon nga magsubay
og single round robin format sa eliminasyon. Ang top-2 teams makaangkon og awtomatik nga luna sa semis, samtang ang No. 3 ug No. 4 teams makabaton og twice-to-beat advantage batok sa No. 5 ug No. 6 teams sa crossover playoffs.
Bugtong ang No. 7 team lamang ang matagak human elimination round.
Naglangkob sa mga entranteng koponan lakip na ang tagsa-tagsa nila ka mga team captains mao ang Bank of the Philippine Islands (BPI) ni Rey Castillano, Allied Bank ni Sydney Benatiro, Rizal Commercial Banking Corporation (RCBC) ni Eric Machado, CUBA 1 (Kings) ni Alex Macaling, CUBA 2 ni Richard Allera, CUBA 3 (Spurs) ni Arthur Tapaya, ug CUBA 4 ni Bong Bacalla.
Mopadagan sa torneyo mao si commissioner Ramonito Cataros inabagan nilang Robert Rafson Chua (co-captain sa CUBA 1 Kings), Edwin Mabanto, Edmund Teczon, Randy Lim ug Edgar Olalo.
Mga tropeyo ug medalya ang ihatag ngadto sa top performing teams ug ingon man sa individual achievers sama sa conference ug Finals MVPs ug mga miyembro sa Mythical Five.