PRO-7 mo-host og shooting competition
Human sa malampusong pagpahigayon sa kompetisyon didto sa Mindanao sa miaging tuig, ang Police Regional Office-VII mopasiugda og 3-Gun Match nga ulohan og CPNP “Mamang Pulis” Cup karong Enero 25-27 diha sa Cebu Pistol and Rifle Association Firing Range, sa New Lipata, Pusok, sa dakbayan sa Lapu-Lapu.
Ang host langkuban sa nagkalain-laing police regional offices, natonal support units ug ubang best shooting clubs sa nasud.
Magpinuntingay kini sa 13 ka kategoriya -- walo sa handguns, tulo sa shotguns ug duha sa rifle events.
Ang registration sa maong kompetisyon nagkantidad og P1,000 alang sa sibilyan nga motigi sa handgun category ug P500 alang sa mga sakop sa PNP, AFP ug ubang government employees.
Alang sa rifle competition, ang registration nagkantidad og P400 alang sa civilians ug P200 alang sa PNP, AFP ug ubang kawani sa kagamhanan.
Alang sa dugang kasayoran, mahimong motawag ni Police Superintendent Rey Lyndon Lawas sa 032-4165074.
- Latest
- Trending
