Epektibong pagbansay

Makadaghan na nato balik-balika dinhi ang paghisgot nga ang regular practice session gikinahanglan pag-ayo sa mga magdudula. Mao kini ang gisugyot sa mga awtoridad sa billiard sport. Mao usab kini ang akong isugyot ngadto sa akong mga magbabasa tungod kay kini ang labing mahinungdanong bahin sa kapalaran sa magdudula. Kini ang basehan kun unsa ka impresibo ang iyang dinulaan sa iyang pagsalga sa usa ka torneyo.

Ang mga eksperto mahitungod sa dulang bilyar nag-ingon nga kinahanglang seryosohon sa magdudula ang pagbantay. Dili lang kay basta iyang gituman ang iyang tulomanon sa pagbansay matag adlaw. Kinahanglan nga epektibo ang iyang pagbansay aron molambo ang iyang abilidad sa dula. Walay kapuslanan ang pagbansay kun dili kini seryosohon. Nag-usik lang ang magdudula sa iyang panahon.

Ang mga awtoridad mahitungod sa dulang bilyar nag-ingon nga kinahanglang seryosohon sa magdudula ang pagbansay. Dili lang kay basta iyang gituman ang iyang tulomanon sa pagbansay matag adlaw. Kinahanglan nga epektibo ang iyang pagbansay aron molambo ang iyang abilidad sa dula. Walay kapuslanan ang pagbansay kun dili kini seryosohon. Nag-usik lang ang magdudula sa iyang panahon.

Ang mga awtoridad sa dulang bilyar nag-ingon nga ang pagbansay dili angay isipon sa magdudula nga usa ka komedya. Kay sa tinuod lang, walay nagkomedya sa pagbansay nga nahimong seryosong magudula. Mao nga misugyot ang mga eksperto nga kinahanglang seryosohon ang pagbansay aron mahimo kining epektibong sangkap sa pagpakigtigi sa usa ka torneyo nga salmotan.

Ang epektibong pagbansay mapahigayon pinaagi sa matinud-anon nga pagmanso sa kaugalingon. Kinahanglan nga diha sa pagbansay, isipon sa magdudula nga siya misalmot sa usa ka torneyo. Sa ingon, seryosohon niya ang pagdula. Seryosohon niya ang pagtira sa mga bola sa ibabaw sa  lamesa ingon nga may kantidad nga nahitaya niini. Kay ang pagbansay ug aktuwal play dili kaayo  daku'g kalainan. May nag-ingon man gani nga ang pagbansay ug akuwal nga pagdula managsama ra.

Mao man gani kini ang hinungdan nga ang mga epskerto mirekomendar nga kinahanglan gayod nga ang usa ka magdudula magbaton og kaugalingong billiard table alang sa iyang regular practice session. Mas makadaignot sa oras ang magdudula kun anha ra siya magbansay sa kaugalingon niyang lamesa. Aduna pa siya'y privacy. Mahimo niya ang tanan nga gusto niyang himuon.

Epektibo sab nga paagi sa pagbansay ang pagdapit sa usa ka higalang magdudula aron maoy makigsangka kanimo sa imong pagbansay. Kun sa boxing pa, siya ang imong sparring mate. Mao kini ang gibuhat nila ni Efren 'Bata' Reyes, Francisco 'Django' Bustamante, Alex 'The Lion' Pagulayan ug daghan pang uban. May mga higayon sa ilang pagbansay nga modapit sila'g magdudula nga maoy lang ikasangka.

Kining maong paagi sa pagbansay angay awaton sa tanang magdudula, ilabi na gayod niadtong mga magtutuon. usa kini sa labing epektibong paagi sa pagbansay sa dulang bilya.

* * *

(Mga sugyot ug pangutana? Text sa 0910-8105522)