MLSDF-Selection, SCSIT, Cebu Fortune midaog
Ang MLSDF-Selection, Salazar Colleges of Science and Institute of Technology (SCSIT) ug ang Cebu Fortune sa Lapu-Lapu City mipatigbabaw batok sa ilang tagsa-tagsa nga kaatbang aron pag-abante sa quarterfinals sa 4th M. Lhuillier Kwarta Padala Under-21 Developmental Basketball League didto sa Consolacion Sports Complex.
Ang MLSDF ni multi-titled coach Eddie Ybañez nagsalig sa ilang kainit sa third quarter aron pagbuntog sa University of San Carlos (USC) sa iskor nga 57-53, samtang ang SCSIT Baby Skyblazers ni coach Jojo Romarate mipuhal sa host Consolacion National High School aron pag-ilog sa 59-57 nga kadaugan.
Sa laing bahin, ang Cebu Fortune miarangkada sa second half aron pagpaluhod sa Athletes for Christ through Evangelical Service (ACES) sa iskor nga 84-75.
Ang MLSDF, SCSIT ug Cebu Fortune nga parehong adunay 5-1 win-loss records nakaangkon na og luna alang sa sunod hugna sa Bracket B.
Ang ikaupat ug katapusang luna sa quarterfinal tigian sa ACES ug sa Consolacion NHS nga pulos miposte og 2-3 win-loss records.
PUNTOS MATAG
Unang duwa:
MLSDF (57) - A. Cabahug 14, E. Cabahug 12,Mercader 6, Benedicto 6, Daan 5, Ybañez 4, Cabahug 4, Bucayan 3, Cabahug 3
USC (53) - Cortes 13, Dinsay 12, Ramirez 10, Dayoja 6, Fernan 6, Reyes 3, Palos 3
Ikaduhang duwa:
SCSIT (59) - Amarado 22, Violango 17, Tampus 5, Ribaya 4, Tampus 4, Balamba 3, Ong 2, Diano 2
Consolacion NHS (57) - Malagar 18, Linao 17, Najarro 13, Donce 5, Ropal 2, Jabla 2
Ikatulong duwa:
ACES (75) - Filoteo 19, Cantonao 18, Cañada 15, Senires 12, Caparros 5, Delantar 4, Baringo 2
- Latest
- Trending
