Ang Green team mibihag sa White apan munasginhawa kining milansang og 87-85 nga kadaugan pagsugod sa Sunday Club Rollway & Ryle Trucking 1st Season Basketball Tournament 2008 didto sa Villa Magallanes Gym sa Brgy. Basak, dakbayan sa Lapu-Lapu.
Si Ian Sanchez miratsada og 26 puntos, katunga niini iyang nahimo sa gilusad nilang mainit nga 31-19 rally nga maoy nahimong hagdanan sa Rollway Freight and Shipping Agencies Corporation-sponsored Green ngadto sa kalampusan.
Ang Cebu Ryle Trucking and Logistics Corporation-backed White mibawos sab og susamang 31-19 rally sa katapusang kuwarter, apan ang Green nagkamaneho pag-ipsot ngadto sa dos puntos nga kadaugan.
Si Sanchez nakaangkon og igong suporta gikan nila ni Cliford Ponce kinsa miiskor og 22 ug Joebert Rosatase nga miamot og 14. Si team manager Rolly de la Pieza midonar og kuwatro puntos.
Si team captain Arvin Genogin ug Tete Gullem mikulit og 20 puntos matag usa alang sa Team White, samtang sila si Centes Brananola ug Benjie Delgado nagkumboya og 27 puntos apan nakawang lamang ang ilang paningkamot gumikan kay mitikyaob man sila human sa duwa.