Amihan kampiyon na sa Power Forty
Daw hangin gikan sa amihan ang mikusokuso ngadto sa Fag Machine dihang wala kapugngi ang pagmangtas ni Michael Arias aron paggiya sa Amihan Bags ngadto sa 107-86 nga kadaugan sa kampiyonato sa Power Forty Basketball Tournament Christmas League niadtong Martes sa gabii didto sa Inayawan Sports Complex.
Igo gyud nga nakapakumbinser ang 36 puntos nga naani ni Arias aron pagdaog sa MVP award ug may pakapin pa nga
Gawas nga nahimong MVP, si Arias mao usab ang nangu sa Mythical Five uban nilang Ves Eleguin ug Joey Escalon sa Christine, Konsehal Mario Tabar ug Efren Mosqueda sa Fag Machine ug Carding Vernaiz sa DJD Eng’g. Sa laing bahin, ang Christine maoy milangkat sa ikatulo nga dapit pinaagi sa pagpukan sa Hero Commando sa iskor nga 120-97.
Ang Christine gipangulohan ni Eleguin sa iyang 40 puntos. Daku usab og natabang si Escalon pinaagi sa pagtampo og 28 puntos, gisundan ni Edwin Dejacto nga adunay 20 puntos ug ni Alan dela Rama nga miamot og 17 puntos sa maong kadaugan.
Sila si Nestor Javierto ug Tata Cabañero nga pulos mipupo og 21 puntos maoy nangulo sa Hero Commando, samtang si Bobong Rosal miamot og 19 puntos ug si Marcial Genzon mitunol og 18 puntos.
Awarding ceremony sa Power Forty nga gipaluyohan nilang Konsehal Jojo Ibones, Atty. Flor Yosores, Engr. Felix Gabiana, Engr. Tito Dimitiman, Ves Eleguin ug Romy Rama himuon karong Disyembre 29 diha sa panimalay ni Romy Rama sa Tabunok, Talisay.
Si commissioner Dejacto, ang referee sa CESAFI ug Reinforced Partner's Cup maoy mangulo sa maong kalihukan.
Puntos Matag
First Game: (for third)
Christine (120) -- Eleguin 40, Escalon 28, Dejacto 20, Dela Rama 17, Sabellano 6, Dacalos 6, Cejudo 3
Hero Commando (97) -- Javierto 21, Cabañero 21, Rosal 19, Genzon 18, Navares 10, Gabuya 4, Tura 4 Halftime:61-56
Second Game: (championship)
Amihan (107) -- Arias 36, Layon 17, Rama 14, Yosores 12, Dejarme 12, Ozon 10, Colinares 6
Fag Machine (86) -- Tabar 32, Abasolo 16, Yu 15, Fuentes 15, Mosqueda 9, Kalinga 4 Halftime: 60-31
- Latest
- Trending
