Positive vs. negative
Ang atong huna-huna usahay dali rang mausab. Bisan ang tawong ligdong ug lig-on kaayo'g baroganan mausab pud ang baroganan kun makasugat og sitwasyon nga makapahuyang sa iyang pagbati. Dili angay ikahibulong kun nganong mahitabo kini kay ang tawo ingon man gayod niini. Manggiusabon ang iyang huna-huna.
Sa pagdula og bilyar, ang kausaban sa panghuna-huna makaapekto sa performance sa dula. Ang pag-usab-usab sa huna-huna posibleng makapalubag sa game plan ug dili na hinuon epektibo ang preparasyon nga subayon sa magdudula. Dili ta gusto nga mahitabo kini busa kinahanglang makakontrolar ta sa atong huna-huna.
Ang mga eksperto nag-ingon nga ang positibong panghuna-huna maoy angay batonan sa
Ang Pool and Billiard Magazine nag-ingon: "Find and use a positive thought every time you set up to shoot a shot and you will stop those negatives from creeping into your game."
Kun ang magdudula maghuna-huna nga dili siya molampos sa tayada nga iyang ipahigayon, napilde na siyang daan diha sa iyang huna-huna. Busa kinahanglang kontrolahon niya ang iyang huna-huna. Kinahanglan makabaton siya'g determinasyon aron molampos siya sa gipahigayon niyang tayada. Kinahanglan gyud ang positive thinking!
Sa laing bahin, kun may negatibong butang nga mokamang sa huna-huna sa magdudula, kini makaapekto sa iyang pagdula. Kun may negatibo sa iyang huna-huna, may negatibo sab sa iyang dinulaan. Mao nga angay isalindot ang unsa mang negatibo diha sa huna-huna panahon sa iyang pagdula aron makabaton og dakung tsansa ang pagdaog.
* * *
MAGBILYAR TA TEXTMATE PORTION: 0918-6034987 (Joy), 0919-3178668 (Lyn), 0915-3630092 (Cecile), 0910-5928817, 0918-7771115, 0928-5313268, 0928-3101327 (Jhon Mike), 0919-6021275, 0919-4346564, 0921-4096388 ug 0920-7538565. Text na!
* * *
(Mga sugyot ug pakisayod? Text sa 0910-8105522)
- Latest
- Trending
