Mikulit sa ilang ikaduhang sunod-sunod nga kadaugan ang MLSDF-Mandaue Selection human kini makaiskapo gikan sa mga kamot sa Athletes for Christ through Evangelical Services (ACES) sa iskor nga 77-73 sa nagpadayong 4th M. Lhuillier Kwarta Padala Under-21 Basketball League didto sa Consolacion Sports Complex.
Ang mga batos sa MLSDF ni multi-titled coach Eddie B. Ybañez mi-aksiyon og takilid human milabaw og 14 puntos paghuman sa halftime sa iskor nga 39-25, apan ilang giladlad ang ilang tinagoang katakus aron makabawi. Ang MLSDF-Mandaue temporaryo karong nag-una sa overall standings nga adunay 2-0 win-loss record.
Sa laing mga duwa, ang University of Southern Philippines Foundation (USPF) Panthers mitangag sa ilang unang daog sa ilang pakighamag sa Compostela Pirates sa iskor nga 64-54, samtang ang Cebu Fortune sa Lapu-Lapu City mipukan sa Consolacion National High School sa iskor nga 80-76.