Carag isa ring multi-sport athlete

BANGKOK -- Kung si Richard Gomez ay nakapagbasketball, rowing, fencing at shooting, isa ring multi-talented athlete si Carlos ‘Itos’ Carag na dumaan na sa track and field, soccer, arnis, archery at ngayon ay shooting.

Ang 45-gulang na si Carag ay nakasilver medal sa archery (compound) noong 2005, at ngayon ay nakasilver din kasama sina Erwin Ang at Jethro Dionisio sa trap shooting sa kasalukuyang Southeast Asian Games shootfest.

Si Carag, kabilang sa PMA Class ’85 at pumasok din sa Valley Forge Military Academy sa US, ay lumipat sa shooting para sa kanyang pangarap na maging Olympian.

“I’d been into archery since grade school but my event is not an Olympic sport so I shifted to shooting an event where age is not a factor,” ani Carag.

Si Carag ay dating RP soccer youth member, world arnis silver medal winner at track and field  nang siya ay high school  pa lamang sa La Salle-Greenhills.(NBeltran)