Nangailangan ang rookie team Pharex ng overtime upang igupo ang Bacchus Energy Drink, 83-79 at kumpletuhin ang quarterfinal cast ng 2008 PBL V-Go Energy Drink Cup.
Umiskor si Emerson Oreta ng ringless three-pointer upang ipuwersa ang overtime na kanilang kinontrol at kumpletuhin ang come-from-behind win.
Kinana ni Oreta, dating Santo Tomas stalwart, ang apat sa anim na three pointers ng Medics sa fourth quarter sa kanyang 20-puntos tulad ni Francis Allera para sa Pharex (2-7) na haharap sa San Mig Coffee Kings sa quarterfinals na taglay ang twice-to-beat bunga ng mas mataas na record.
Dahil sa mas mataas na record, inangkin ng Coffee Kings ang twice-to-beat sa susunod na round.
Sa ikalawang laro ng triple bill sa Rizal Memorial Coliseum, dinurog ng Toyota Balintawak ang Mail & More, 78-66, para makakuha ng playoff para sa ikalawang twice-to-beat advantage sa quarterfinals.
Umangat ang Roadkings sa 5-4 kasunod ang Comets, 4-5 habang bokya ang Raider sa 8 laro.
Sa ikatlong laro, sumulong naman ang Hapee Toothpaste sa ikasiyam na sunod na panalo matapos ang 85-81 panalo sa San Mig Cofee na nalaglag sa 4-4 record. (Mae Balbuena)