Convergys manalipod sa dungog

Ang Team Convergys moprotehir sa ilang reputasyon isip labing maayo sa call center sa dihang moduwa kini sa labing unang RCTV Inter-Call Center Basketball Championships nga mosikad karong Disyembre 1 diha sa Bright Academy basketball court sa Banilad, ning siyudad.

Ang Convergys mosuway og harong sa hagit Teletech 1 ug 2, Western Wats, E-Telecare, E-Performax ug Qualfon.

Ang torneyo mosubay og  single round robin format diin ang top four teams moabante sa crossover semifinals.

Ang no. 1 team moduwa sa  fourth ranked team, samtang ang no. 2 team moduwa sa no. 3 team.

Ang tanang mga duwa ipaagi sa "best-of-three" series.