2 ka konsehales mobanat sa 2007 table tennis c'ship

Duha ka mga konsehal ug duha sab ka beteranong female table tennis-coaches ang modala sa ngan sa Team Cebu City sa 2007 Philippine International Veterans Table Tennis Championships nga sugdan karong adlawa didto sa Ninoy Aquino Stadium sa Malate, Manila.

Ang incumbent councilors nga sila si Arsenio 'Pax' Pacaña ug Gerardo 'Gerry' Carillo uban nilang  Jessisa Jawad-Honoridez ug Marissa Flores moduwa sa singles ug team competition ug ilang sangkaon ang mga delegasyon gikan sa Australia, China, Hong Kong, Japan, Korea, New Zealand, Taiwan ug USA.

Si Pacaña moduwa sa men's 60-69 category, samtang si Carillo mobanat sa 35-49 class.

Sa iyang bahin, si Honoridez  moduwa sa women's 35-49 division uban ni Flores.