Jakosalem mopasidungog sa Cebu football, judo teams

Ang mga sakop sa Cebu football ug judo delegation sa Philippine Olympic Festival National Finals ang  gipaabot nga pasidunggan isip "Outstanding Individuals" atol unya sa kasaulogan sa Cebu City Charter Day sa Pebrero sunod tuig.

Hingusgan ni city councilor Sylvan 'Jack' Jakosalem, ang commissioner sa Cebu City Sports Commission ug chairman sa city's sports committee nga madayon ang maong kalihukan.

 “I don’t think anyone will object to it considering their great achievement and the honor they’ve given to Cebu City,”  matud pa ni Jakosalem    dinhi sa Banat News.

Matud pa ni Jakosalem nga ang mga sakop sa football ug judo teams angayan nga pasidunggan ug hatagan og awards.

Ang Team Cebu nipukan sa Iloilo, 1-0 sa 15-under final pinaagi sa pagkamabayanihon ni Rikki de Guzman sa Don Bosco College.

Sa laing  bahin, ang judo team mihakot sab og upat ka medalya -- usa ka gold ug tagduha  ka silvers ug bronzes.

Si Joaquin Nicolo Fernandez nidaog og bulawan alang sa judo team dihang nanghawod kini sa 13-15 division sa Philippine Judo Youth Championship, samtang ang iyang teammate nga si Allan Antigua midaog og silver.

Laing mitunol og medalya sa judo team mao sila si Vicente Fernandez III, igsuon ni Joaquin ug Antigua sa Philippine Olympic Festival competitions.