SHS-J   manulong sa Iloilo

Manulong na ang SHS-J SBP Eagles ngadto sa Iloilo alang sa Milo BEST national finals gikan sa Nobiyembre 16-18.

Ang Visayas Region champion makigbangga sa laing Small Basketeer of the Philippines (SBP) regional champions sama sa Ateneo de Manila (NCR), Ateneo de Davao University (Mindanao) ug St. John’s Cathedral School of  Pampanga, ang bugtong non-Jesuit school nga misulod sa national finals.

Ang SHS-J Eagles nakaangkon og katungod nga morepresentar sa  Cebu sa national finals human nila gipilde ang Ateneo de Iloilo sa iskor nga 59-43 sa Bacolod regional finals. Ang SHS-J Eagles miharos sa ilang elimination games sa wala pa nila angkona ang  lingkoranan sa finals.

Si Kieffer Lim maoy mangulo  sa Eagles sa Ilolilo national finals uban nilang Arvin Adrian Marvin Muller, Reggied Abbu, Alexander Lim, Arc Gabrielle Araw-araw ug Patrick Nigel  Go.

Andam sab nga mohatag sa ilang suporta sa team  silang  Aaron Baldwin Sing, Dave Wilson Yu, Beau Kristian Fernando, Jarek Mercado, Xavier Rafael Gatan, Jerome Luigi Saceda, Michael Dave Luy, Anton Bennet Chua ug Anton Niño Araw-araw.

Si Don Rosito maoy mo-coach ning tulo ka adlaw nga torneyo.