4-teams nais makabangon

Hangad ng Toyota Balintawak na makabangon mula sa three game losing streak sa pakikipagharap sa mapanganib na San Mig Coffee sa pagpapatuloy ng PBL V-Go Energy Drink Cup sa The Arena sa San Juan.

Kasalukuyang may 3-2 record ang Road Kings na huling natalo sa defending champion Harbour Centre, 86-103 at hangad nilang makabangon sa alas-4:00 ng hapong sagupaan.

Nais namang makabawi ng San Mig Coffee sa 78-88 pagkatalo sa SEA Games bound RP men’s team na dahilan ng kanilang pagdausdos sa 2-2 record.

Sa alas-2:00 ng hapon, magsasagupa naman ang Pharex at Bacchus Energy Drink sa labanan ng mga bokyang teams.

Ang Medics ang nangungulelat sa 0-5 kartada at bahagya lamang nakakaangat ang Raiders sa 0-4 slate at pag-aagawan ng dalawang teams na ito ang unang panalo.

Masaklap ang huling pagkatalo Pharex na abante pa sa 59-55 laban sa Mail & More Comets papasok sa huling 6:32 minuto ng labanan ngunit kumulapso sila at nalasap ang 64-73 pagkatalo.