SHS-J abante sa finals

Ang Sacred Heart School-Jesuit teams miabante ngadto sa kampiyonato sa 2007 Milo Basketball Efficiency Scientific Training (BEST) Regional finals  kagahapon didto sa West Negros College sa Bacolod City.

Giharos og daog sa Cebuano cagers ang duha ka duwa sa Small Basketeers of the Philippines division, samtang ang  ilang pasarelle team nakasulod sab sa finals human nila gitapos ang eliminasyon bitbit ang 1-1 win-loss nga baraha.

Ang SHS-J walay kukaluoy nga milubong sa St. John Institute of  Bacolod sa iskor nga 59-29 aron pagkulit sa ilang unang daog, ila sab nga gipakauwawan ang defending champion Ateneo de Iloilo sa iskor nga 52-52.

 Ang team moharong batok sa modaog sa duwa tali sa Bacolod ug Iloilo alang sa final diin ang modaog makaangkon og katungod  nga modala sa ngan sa Visayas sa national finals nga gikatakda karong Nobiyembre 16-18 didto sa Iloilo City.

Sa pasarelle division, ang SHS-J napukan sa Iloilo Chinese Commercial High School sa iskor nga 63-55 sa elimination round, apan nakabawi kini dihang ilang gipilde ang St. John Institute of Bacolod sa iskor nga 74-56.

Sa ilang daog batok sa Bacolod, ang SHS-J moduwa sa Iloilo alang sa championship ug naghunahuna kini’g daotan  sa koponan nga mipukan kanila sa eliminasyon.