Distractions

Ang distractions o unsa man dihang mga butang nga makasamok ug makahasol sa magdudula angay niyang likayan. Kun dili mahimong likayan, kinahanglang mo-adjust siya sa sitwasyon. Kinahanglang kontrolahon niya ang iyang kaugalingon aron dili siya maapektohan sa distraksiyon nga gustong molangkat sa iyang konsentrasyon.

Lainlain og dagway ang distractions. Ang usa ka butang nga may interes ang magdudula mahimong maka-distract sa iyang hunahuna kun iya kining hunahunaon panahon sa iyang pagdula. Labaw nang maka-distract ang suliran sulod ug gawas sa pamilya diin nalambigit ang magdudula. Ang distraksiyon motugaw sa hunahuna.

* * *

Ang usa ka propesyonal nga bilyarista maantigong mo-adjust sa iyang kaugalingon sa sitwasyon. Maantigo siyang moharong sa mga distraction. Pero may panahon nga surpresahon ang magdudula sa distraction aron maapektohan gayod siya niini. Kamatuoran kini nga dili malalis busa kinahanglang makapangandam ang magdudula sa tanang panahon aron pagseguro nga makaalkontra siya sa mga butang mga motugaw sa hunahuna.

Ang Pool and Billiard Magazine diin maoy executive editor si Shari J. Stauch miingon: "Try to be aware of potential distractions before they occur."

Adunay long-term benefits para sa magdudula ang maong sugyot. Tinuod nga angay gyud masayran sa bilyarista ang "potential distractions" aron iya kining kapangandaman og pang-alkontra. Sa dili  pa mahimong hingpit nga distraction ang usa ka butang o panghitabo, angay na kining pangitaan og panagang. Dili maayo alang sa usa ka magdudula kun anha na siya manguros human maigo sa kilat.

* * *

Kun ang magdudula aware nang daan sa potential distractions, dili na siya matarantar kun motungha na kini sanglit  nakapangandam na man siya. Dili na siya masurpresa. Dili na madisturbo. Dili na mahasol. Dili na matugaw ang iyang konsentrasyon sa dula. Dili na siya makugang.

Ingon niini ang angay buhaton sa matag bilyarista. Kinahanglang aware siya kanunay sa potential distractions sa iyang pagdula aron makaalkontra siya niini. Ang kakulang sa pagkabana maoy magnudnod sa kaalaotan.

* * *

(Mga sugyot ug pakisayod? Text sa 0910-8105522)