Sitio Bayabas mibira sa titulo

Walay kukaluoy nga gilubong sa Sitio Bayabas ang mortal  niining kaatbang ang Lower Mangga sa iskor nga 70-56 aron pagdaog sa titulo sa Zapatera Inter-sitio basketball tournament   didto sa Sacred Heart Gym, ning siyudad.

Nakapanimaho na og sayo nga kadaugan ang sitio Bayabas human makabentaha  og 18 puntos sa iskor nga 30-12 paghuman sa first quarter.

Gawas lang sa sayong bahin sa second quarter diin ang Lower Mangga mi-rally aron pagkitkit sa labaw, 30-24. Apan wala kini mahimong babag sa tinguhang kadaugan sa Bayabas gumikan kay sila man ang midominar sa timpo sa duwa.

Ang Lower Mangga nakatilaw lang og labaw sa pagsugod sa duwa sa iskor nga 2-0.

Si Allan Barrita milansang og 20 puntos, samtang si Raray Dakay mitampo og 15 puntos alang sa Bayabas, samtang si Capati, kinsa mikulit og 23 puntos mao usab ang nangulo sa pilderong Mangga.

Tungod sa ilang  impresibong performance, ang mga organizers mideklara nilang Barrita ug Capati isip co-MVPs, samtang si Dakay maoy nakakuha sa "most sportsmanlike player" award.

PUNTOS MATAG USA

 Bayabas (70) – A. Barrita 20, Raray Dakay 15, Ylaya 11, G. Barrita 7. R. Dakay 7, Cuyos 5, J. Arnejo 3, Manlunas 2, Pacquiao 2, Dicdican 2, P. Arnejo 2.

 Lower Mangga (56) – Capati 23, Palang 10, Rallos 7, Sadaya 5, Sarmiento 4, Lim 4, K. Sadaya 3, Lastimosa 0, Tamonang 0, J. Rallos 0.