CASA sugod na panawat og entries alang sa Christmas League
Human sa malampusong paghigayon sa 3rd M. Lhuillier Kwarta Padala Softball Tournament, ang CASA mopasiugda na sab og laing torneyo nga gitakda sunod buwan.
Mao kini ang gipahibawo ni Monsignor Achilles Dakay, presidente sa Cebu Amateur Softball Association (CASA) human sa championship game sa 3rd M. Lhuillier Kwarta Padala Softball Tournament.
Matud ni Msgr. Dakay nga ang torneyo nga pagaulohan og “CASA’s Christmas League buksan karong Nobiyembre 18 diha sa San Roque Parish ball park sa Subangdaku,
Ang CASA mohangad na sab sa M. Lhuillier Sports Development Foundation (MLSDF) ubos sa liderato ni executive director Eddie Ybañez nga mosuporta sa torneyo.
Sa liderato ni Ybañez, ang MLSDF daghan na og nasuportahang kompetisyon sama sa softball, volleyball, tennis ug basketball.
Gisugdan na sa CASA ang pagpanawat og entries alang sa Christmas tournament.
Alang sa dugang kasayoran, mahimong motawag ni Msgr. Dakay sa 254-4131 o ni CASA commissioner Nene Tancinco sa 412-7059.
- Latest
- Trending
