Balamban nag-una

Ang Balamban mikulit og duha ka daog aron sa pag-una sa unang adlaw’ng kumbati sa Cluster III championships sa 3rd Governor Gwen Garcia Unity Volleyball Cup for Women niadtong Sabado didto sa Aloguinsan Sports Complex.

Gisubhan sa Balamban ang ilang kampanya pinaagi sa 25-17, 25-15 nga kadaugan batok sa Barili.

Midaog sab kini sa ikaduhang duwa batok sa Tuburan sud sa sulod ka sets, 25-12, 24-26, 25-17.

Sa laing duwa, ang host Aloguinsan midaog sab batok sa  Asturias, 25-15, 25-19, ang Tuburan mipukan sa Aloguinsan, 25-16, 23-25, 25-22 ug ang Barili nagkinahanglan lang og duha ka sets pagpukan sa Asturias, 25-14, 25-9.