"Shockwave" sa Cebu Coliseum
Ang Yaw-Yan ArDigma Martial Arts Federation, Inc. ubos sa liderato ni Master Benigno ‘Ekin’ Caniga Jr. mopasiugda sa ikaupat nga hut-ong sa ilang Ground and Pound nga ulohan og “Shockwave” karong Disyembre 8 diha sa Cebu Coliseum.
Tuyo sa maong torneyo mao ang pagpalambo sa tanang matang sa martial arts.
Mga ngilngig nga fighters gikan sa Kabisay-an ug
Sa pagka karon, 14 pa ka koponan ang mipadayag sa ilang partisipasyon.
Gawas sa host Yaw-Yan ArDigma-Cebu City, mopakita sab sa eksplosibong aksiyon ang Yaw-Yan Musang ug Durex Dragon Kickboxing Club sa Lapu-Lapu City, Soma Kickboxing Clb, C-Mac Kickboxing Club, C-Mac Mix ug ATC Kickboxing Club sa Mandaue City ug Calma Stable sa dakbayan sa Sugbu.
Ang mga entry gawas sa Sugbu mao ang Muay-Thai Dumaguete, Fight Club sa Bacolod, Mindanao Top Team sa Cagayan de Oro ug Butuan ug ang Muma Kickboxing Club ug FKR Philippines sa Cagayan de Oro City.
Ang mga tiket mapalit sa tag P50 alang sa general admission, P100 sa upper box, P150 sa lower box, P300 sa ringside ug P1,000 alang sa sponsors.
Alang sa ticket reservations ug dugang kasayoran, mahimong motawag sa 255-8919 or (032) 255-1405 o dili ba bisitahi ang Yaw-Yan ArDigma-Cebu Headquarters sa third floor (room 304) sa Villacampa Capuras Building duol sa University of Cebu (UC)-Main campus sa dalan Sanciangko, ning siyudad.
- Latest
- Trending
