Critical shots

Ang matag bilyarista dili gayod makalikay sa gitawag og "critical shots" sa higayon nga siya modula. Kini tungod kay sa matag hugna sa dula, iya gayod nga masugatan ang "critical shots." Ug kay dili man gayod kini  kalikayan, angay kining pangandaman. Kinahanglan nga husto sa pangandam ang magdudula aron malutsan niya ang critical shots nga mosulay pagbabag sa iyang dalan paingon sa kalampusan.

Ang Pool and Billiard Magazine nga ang break shots sa 9-ball, straight pool, one pocket ug uban pang variation sa dula maoy matawag nga labing critical shots nga masugatan sa magdudula sa cue sport  sa sport disciplines. Lisud gayod ang paglikay niining maong critical shots. Wala gayoy  kalikayan ang magdudula kay kinahanglan man gyud siyang mopahigayon og break shot sa iyang pagdula.

Tinuod nga ang break shot usa ka critical shot tungod kay sa maong tayada lisud kaayo ang pagkontrolar  sa mga object ball sa ibabaw sa lamesa. Ug sanglit usa man kini ka critical shot, angay gayod magbansay ang magdudula mahitungod  niini. Kinahanglang makabaton siya'g hustong pangandam aron mas epektibo ang iyang pagpahigayon og break shot. Kinahanglang mangandam siya kutob sa iyang mahimo.

* * *

Adunay sugyot ang Pool and Billiard Magazine kun unsay angay buhaton aron mapangandaman sa hingpit ang critical shots sa pagdula og bilyar. Aron makabenebisyo niini ang atong mga magbabasa, nakahukom kung ipaambit kini pinaagi dinhi sa atong lindog. Ania:

1.Paggahin og labing menos 10 minutos matag adlaw sa imong practice session aron pagbansay mahitungod sa break shot alang sa bisan unsang variation sa billiard nga imong gipraktisan.

2.Paningkamot nga molambo ang imong break skills.

3.Paninguha nga makabaton ka'g over-all confidence sa imong pagbarog atubangan  sa billiard table aron pagpahigayon og critical shot.

Kini maoy angay buhaton sa matag magdudula nga nagtinguha nga molahutay sa natad sa billiard sports.

* * *

(Mga sugyot ug pakisayod? Text 0910-8105522)