Capati gipasidunggang MVBA "player of the week"
Ang sentro nga Ronald 'Ron' Capati was maoy napiling Mindanao Visayas Basketball Association (MVBA) Player of the Week gikan sa Oktubre 8 hangtod 12, 2007.
Ang 6'4 nga si Capati mi-average og 16.5 puntos sa iyang pagpangulo sa M. Lhuillier Kwarta Padala-Cebu City Jewelers ni Michel Lhuillier ug coach Raul 'Yayoy' Alcoseba sa ikaduha nilang kadaugan aron pag-inat sa ilang baraha ngadto sa 6-2 win-loss record.
Mikulit og daog ang M. Lhuillier sa ilang duwa batok sa Arthro Kontra Arthritis, 87-82 niadtong Oktubre 8 diin gipangulohan ni Capati ang kadaugan pinaagi sa iyang 17 puntos lakip na niini ang duha niya ka power dunks.
Giluwas sab ni Capati ang M. Lhuillier gikan sa delikadong sitwasyon sa ilang pakigbatok human nila gipukan ang Goldstar Hardware-Duterte Agilas-Davao sa iskor nga 97-93.
Ning higayona, si Capati milansang og 16 puntos ug iyang gidominar ang rebounding department sa katapusang uno minuto aron pagduso sa M. Lhuillier ngadto sa kadaugan.
Ang narehistro nga 16.5 puntos ni Capati layo ra kaayo sa iyang average nga 6.2 puntos sa iyang nag-unang unom ka duwa sa nataran sa M. Lhuillier Jewelers.
Si Capati miduwa isip varsity sa College of Saint sa
Laing mga kandidato sa weekly award mao sila si Nathaniel Cruz ug Antonio Viloria sa Holcim Pryce Pharma-MisOr, Doroteo Almacin sa Arthro Kontra Arthritis ug Harold Santa Cruz sa Cebu Landmaster-Mandaue.
Si Capati maoy ikaduhang magduduwa sa M. Lhuillier nga nakadawas sa maong pasidungog sunod ni Bruce Dacia duha ka semana na ang milabay.
Lain pa nga nakadawat sa pasigungod mao sila si Mark Yee ug Michael Manigo sa Cebu Landmaster-Mandaue.
- Latest
- Trending
