...kitang kita sa stats

LAS VEGAS  -- Ang buong istorya ay nasa mga suntok na pinakawalan at ang mga tumama.

Nagpakawala si Manny Pacquiao ng kabuuang 694 punches at kumunekta ng 256  beses para sa 37 percent batting average sa 12-rounds.

Ito ay 57.8  suntok at 21.3 ang tumama sa bawat round.

Si Marco Antonio Barrera na di kilalang rapid puncher ay may 578 punches sa buong gabi ngunit 120 lamang ang tumama para sa 21 percent.

Mas marami ding jabs si Pacman, 369-338, at mas marami ding pinatama, 80-39.

Sa power-punches department, ang southpaw  mula sa Gen. Santos City ay may 325 attempts, 176  ang tumama.

Si Barrera ay may 240 power punches, ngunit 81 lamang ang kumunekta.

Base sa mga numerong ito, mas maganda ang ipinakita ni Pacquiao at siya’y ginantimpalaan.(ACordero)