Personalan na ang pakig-away ni Barrera ngadtong Pacquiao

Giangkon ni Mexican legend Marco Antonio Barrera nga si Filipino boxing hero Manny ‘Pacman’ Pacquiao maoy tunok sa iyang  kinabuhi  ug ang iyang pakigsangka sa garbo sa mga Pinoy nahimo nang personalan.

Dili matulon ug nasakit si Barrera sa  gihimong pagpanamastamas ni Pacman sa pipila ka mga banggiitang Mexican boxers.

“Pacquiao has been a thorn in my side because he’s beaten so many Mexicans and obviously I want to put a stop to that I mean, he’s beaten not only me. Other Mexicans have suffered at, you know, and been, you know, they’ve been defeated by him. So I want to put a stop to that,” matud ni Barrera.

Kun subayon ang matag linya sa iyang pamahayag, dili matago ni Barrera ang iyang kaping-ot ug naglungot-lungot kining manimalos ni Pacman, kinsa  maoy nakabuling ug mitunol sa iyang  masakit nga kapildihan. Buot sab ni Barrera nga hunongon na ang pagpanglupig ni Pacquiao sa mga Mehikanong boksidor.

“Obviously it’s a big honor for me to be able to fight (Pacquiao again). This is a personal fight for me. It’s very personal. I’m taking it personal. He beat me so I have to get my revenge,” matud pa ni Barrera.

Atol sa ilang unang engkuwentro, si Barrera maoy inilog, apan si Pacquiao miuyog sa kalibotan sa boksing sa dihang iyang gimakmak og maayo si Barrera sa 11 rounds sa labing makalilisang nga kadaugan sa kasaysayan sa boksing niadtong Nobiyembre 16, 2003 didto sa Alamodome sa San Antonio, Texas.

Misulbong pag-ayo ang ngan ni Pacquiao dihang iyang gipilde ang Mexican ring gladiators. Iyang gipaluhod si Eric Morales makaduha ka higayon (TKO 10 rds.) ug (KO 3 rds.), Emmanuel Lucero (KO 3 rds.), Jorge Eliecer Julio (KO 2 rds.), Hector Velasquez (TKO 6 rds.) ug ang katapusang biktima nga si Jorge Solis (KO 7 rds.)