Kinsa tinuod modaog

Wala pa gani ang aktuwal nga  away, miangkon na sa ilang kadaugan si ALA Boxing Gym star Donnie Nietes ug ang way pildeng Thai knockout artist Pornsawan Kratingdaenggym.

Ang duha ka protagonista magsangka  karong Domingo alang sa bakanting  World Boxing Organization (WBO) minimumweight championship diha sa Pacific grand ballroom sa Waterfront Cebu City Hotel sa barangay Lahug, ning siyudad.

“I had been training for a long time for this fight. I’m prepare to go 12 rounds. If I had a chance, I can win by knockout,”  matud pa ni Pornsawan  pinaagi sa iyang  interpreter  atol sa pre-fight news conference kagahapon didto sa  Celebes room sa  Waterfront Hotel.

“I know the Philippines has three world champions right now and none in Thailand. I’m going to win this fight and make my country proud,”  dugang pa ni Thai power-hitter, kinsa nagbawon og  20 fights diin 15 sa iyang daog pinaagi sa stoppage.

Bisan pa og nakaangkon og "homecourt advantage," dili gihapon mokompiyansa si Nietes ngadto ni Pornsawan, kinsa milansang og 10-0 record batok sa Pinoy niyang kaatbang.

Sa iyang unang pagdepensa sa iyang PABA minimumweight title niadtong Abril 11, 2002 didto sa Poipet, Cambodia, si Pornsawan miposte og makalisang nga kadaugan diin iyang gitumba sa ikalimang hugna ang Sugbuanong si Sonny Boco, kinsa nakaangkon og brain injuries atol sa maong away ug gipaubos kini og duha ka brain operations. Nakalabang  si Boco sa maong operasyon, apan naparalisar ang pipila ka  bahin sa iyang lawas.

Laing Pinoy'ng boksidor ang nabiktima ni Pornsawan mao sila si Fabio Marfa (TKO 6 rds.), Golden King Atillo (TKO 5 rds.), Wendell Cajoles (UD 12), Niño Suelo (UD12), Carlos Besares (UD12), Sony Boy Jaro (KO 5 rds.), Jun Arlos (UD12), Tommy Terado (KO 5 rds.) ug Benjie Sorolla (UD12).

Apan si Nietes determinado nga iyang masumpo ang pagpanghasi ni Kratingdaenggym sa mga Filipino boxers.

 “I think I will win. I can’t say how but if there’s a chance, I’ll try my best to knock him out,”  matud pa ni  Nietes, kinsa nagbitbit og  23-1-3, win-loss-draw uban  19KOs.

“I hope this time we will have another Filipino world champion. But knowing the capacity of his opponent, we don’t know what’s going to happen. Definitely on Sunday, there will be a new WBO minimumweight champion. Whether it’s from the Philippines or Thailand, let’s just wait and see. Good luck to Nietes and Pornsawan, may the best man wins,”  matud pa ni Sammy Gello-ani.

Sa laing engkuwentro ning P6 million show nga gialayonan sa SGG  Sports Promotions ni Gello-ani, ALA Boxing Gym ug South Korea's Boxing Plaza (BP) Entertainment, si ALA stalwart AJ 'Bazooka' Banal (12-0-1, 10KOs) makigsinukliay og kumo batok sa Mehikanong si Esau Gaona (16-3-1, 10KOs) alang sa WBO Youth super flyweight championship.

Laing duha ka ALA Boys nga sila si Robert Allanic ug Rocky Fuentes ang moladlad sa ilang abilidad ning maong  higanteng promosyon. Si Allanic (17-3, 8KOs) moharong sa Koreanong si In-Suk Song (8-2-, 3KOs) alang sa WBO Asia-Pacific bantamweight title, samtang si Fuentes (19-5-2, 12KOs) modepensa sa iyang RP flyweight belt batok ni Danilo Lerio (13-1-1, 2KOs).

Sa lain pang championship bouts, si Do Seuk Ooh (3-0, 3KOs) sa Korea moharong ni Hero Yauw Katili (12-6-1, 6KOs) sa Indonesia alang sa WBF Asia Pacific light welterweight title ug si Young Seung Kim (13-2-1, 5KOs) sa Korean makigtige ni Sapapetch Sor Sakaorta (7-3, 4KOs) alang sa WBO interim Intercontinental super lightweight title.

Ipakapin sab ang special bout tali nilang James Bacon sa ALA Stable ug Roland Sayson sa Kaamino Stable nga nagbasi sa Cagayan de Oro City.