1st MP Cup Invitational gitakda
Si boxing superstar Manny Pacquiao, kinsa hugtanong nagbansay-bansay alang sa iyang rematch batok ni Marco Antonio Barrera karong Oktubre 6 didto sa
Pagaulohan og 1st MP Cup Invitational, ang maong pito ka semana nga torneyo alang sa community-based ug “barkadahan” nga tipo sa mga basketbol nga organisasyon gikatakda nga mosikad karong Oktubre 14 diha sa University of San Carlos (USC)-main gym.
"Usa ni sa pamaagi ni Pacquiao pagpasalamat sa mga Sugbuanon sa ilang suporta ug init kaayong paghangop ngadto niya samtang siya nag-training dinhi alang sa umaabot niyang away batok ni Barrera," matud pa ni event coordinator George Rama atol sa usa ka panagtigum diha sa Beehive Restaurant sa dalan F. Ramos, ning dakbayan.
Aron pagseguro nga balanse ang kompetisyon, ang mga aktibo ug kanhi pro, commercial ug collegiate varsity players ingon man mga undertrainees dili pa-apilon sa liga.
Gawas sa host Team Pacman, mopakita sab og aksiyon ang Cebu Sports Media Association (CSMA), Cebu Clergy, Iglesia ni Cristo, Jaycees Basketball Association (JBA), Cebu Eastern College Alumni Basketball Association (CECABA) ug San Carlos Boys High Alumni Basketball Association (SCBHABA).
Gipaabot sab nga moduwa ang mga empleyado sa Philippine Amusement and Gaming Corporation (PAGCOR) sa Waterfront Lahug ug sa Mactan, Team Barkada-Rama Boys, United Architects’ Basketball Club (UABC) ug ang Integrated Bar of the Philippines (IBP).
Ang 12 ka mga koponan gibahin ngadto sa duha ka grupo nga adunay tag-unom ka miyembro. Ang top two teams sa duha ka bracket mo-abante ngadto sa crossover semis diin ang mananaog maoy mag-abot sa tinaktakay nga kampiyonato.
Ang makampiyon makadawat og P50,000, samtang ang mopahiluna sa ikaduha ug ikatulong dapit mobulsa og P30,000 ug P20,000.
Aduna say ipang-apod-apod nga individual awards alang sa tournament ug finals MVPs, ug ingon man sa mga miyembro sa Mythical Five.
- Latest
- Trending
