4 teams mobanat sa MVBA-Hotel Fortuna Cup
Eksplosibong aksiyon na sab ang masaksihan sa mga Sugbuanon sud sa basketball court nunot sa pagpahigayon sa 2007 Mindanao Visayas Basketball Association (MVBA) Hotel Fortuna Cup karong Septiyembre 3 hangtud sa 6 diha sa Cebu Coliseum.
Upat ka teams ang mokumbati sa maong upat ka adlaw nga torneyo nga gipahigayon agi'g pangandam sa 2007 MVBA Second Conference ug gi-organisar ni sports patron ug BAP-Samahang Basketbol ng Pilipinas (SBP)
Kini mao ang M. Lhuillier Kwarta Padala-Cebu City Jewelers ni Michel J. Lhuillier ug coach Raul 'Yayoy' D. Alcoseba, Cebu Landmaster-Mandaue ni Mayor Jonas Cortes ug Joe Soberano, Arthro Kontra Arthritis ni Jonathan 'Atan' L. Guardo ug coach Al Solis ug Holcim Pryce Pharma MisOr ni league chairman Gov. Oscar Moreno ug Bong Abad.
Ang tanang mga duwa anha ipahigayon sa Cebu Coliseum gawas lang sa Septiyembre 5 nga adto duwaon sa Mandaue City Cultural and Sports Complex.
Ang maong torneyo magsubay og single round robin format, diin ang duha ka teams nga nagkupot sa labing nindot nga rekord mao ang magsangka sa kampiyonato
Sa laing bahin, ang MVBA Second Conference gikatakda nga mosikad karong Septiyembre 16 diha sa Mandaue City Sports and
Ang host Cebu Landmaster-Mandaue makigharong batok sa MP Warriors-GenSan ni boxing idol Manny Pacquiao ug bag-ong coach Perry Atilano sa main game sa alas 6:30 sa gabii, samtang ang Montana Pawnshop-Davao ni Armando Quibod ug bag-o sab niining coach nga si Nick Serafica makighamag batok sa 2007 First Conferencer unner-up Arthro Kontra Arthritis sa pasiunang duwa sa alas 4:30 sa hapon.
Lain pang mga koponan nga mobanat sa panapos nga komperensiya sa MVBA mao ang First Conference champion Holcim Pryce Pharma-MisOr, M. Lhuillier Kwarta Padala- Cebu City, West Negros College-Bacolod ni Anthony Agustin, Phoenix Fuels-Duterte Agilas ni Davao City Mayor Rodrigo Duterte ug Valencia Golden Harvest ni Mayor Leandro Catarata.
- Latest
- Trending
