Special athletes modagan sa Milo Marathon Cebu-leg

Ang China-bound Cebuano special athletes ang moapil og dagan sa 2007 Milo Marathon-Cebu leg karong Domingo diha sa Cebu City Sports Center (CCSC).

Ang special athletes nga moapil sa karera mao sila si Wilfredo Tampus, Marlon Leyson ug Melchor Cadavos, Aira Charissa Juares, Mariel  Sheryn Tan, Michelle Dawa ug Candice Rey Sabang sa Mandaue.

Ang mga nahisgutang athletes maoy pabanaton sa track and field events atol sa Special Olympics World Summer Games karong Septiyembre 28 hangtod Oktubre 12 didto sa Shanghai, China.

Sa nahisgutang mga atleta, bugtong si Cavados lang ang moduwa sa powerlifting event.

Ang mga special athletes modagan karong Domingo uban sa 5K runners gumikan kay narehistro kini ubos sa maong dibisyon tungod sa ilang mga edad.

Hinuon, si Dr. Danilo Villadolid, usa sa mga coaches sa special athletes miingon nga iyang hangyoon ang officiating officials pagpadagan kanila sa 3K run.