Sila si Jojo Cruz ug Benedict Chua nagkumboya og 39 puntos aron sa pagpangulo sa Versacool ngadto sa kadaugan batok sa Lite Shipping Corporation sa iskor 83-58 sa pagbukas sa 11th season sa Jaycees Basketball Association (JBA) niadtong Domingo sa hapon didto sa City Sports Club sa Ayala.
Si Cruz, ang sales supervisor sa EQ Diapers mihipos og 20 puntos lakip na niini ang giburak nga upat ka triples, samtang si Chua kinsa maoy tag-iya sa Upland Feeds ug presidente sa Mandaue Industrial-Commercial Athletic Association (MICAA) miiskor og 19 puntos.
Ang Lite Shipping ubos sa ilang playing coach nga si Dr. Boy Te, kinsa mao sab ang JBA commissioner, misuway og apas sa labaw ang pakyas kini gumikan kay miarangkada man og balik ang Versacool ubos sa paningkamot nilang Cruz ug Chua.
Si Jimbo Noel maoy nangulo sa nalubog nga Lite Shipping sa iskor 21 puntos.