12th SHABA season moulbo karon
Moulbo na karong adlawa ang 12th Sacred Heart Alumni Basketball Association (SHABA) season diha sa Sacred Heart School-Jesuit gym, ning siyudad.
Napulo'g-usa ka teams ang mag-ilog sa dungog ning maong kompetisyon nga matapos sa Oktubre ning tuiga.
Mikunhod ang nangapil sa maong torneyo ning tuiga gumikan sa panag-ipon sa nagkalain-laing batches ngadto na lang sa usa ka team. Bugtong ang Batch 2003 ang nagpabiling solidong lineup.
Sama sa nangaging mga katuigan, ang matag koponan modala sa ilang corporate sponsor.
Ang Batch 2003 pagadad-on sa Kenya, samtang ang uban nga mga entrante naglakip sa Daisy Condensada, Home Options, Domek, Gillamacs-Sanyo, Worldwide Travel and Tours, Singha Beer, PhilHeavy, Beaver Sandals, Super Shuttle Ferry ug Transtek.
Ang maong torneyo mosubay og single round robin format, diin ang top eight team magsangka sa quarterfinal round nga bahinon sa duha ka brackets.
Ang nag-unang duha ka teams sa matag bracket maoy magkumbati sa "best-of-three" championship series.
- Latest
- Trending
