Dul-an 50 ang moapil

Dul-an sa 50 ka mga partisipante ang moapil sa Cebu Schools Athletic Foundation, Inc. (CESAFI)-sponsored coaches and referees seminar karong alas-8:00 sa buntag nga anha himuon sa function room sa  Cebu Coliseum.

Tulo ka resource speakers gikan sa  kaulohan ang  mopaambit sa halapad nilang kasinatian mahitungod sa coaching ug officiating.

Sila mao si Chito Narvasa, kanhi coach sa Shell Turbo Chargers sa Philippine Basketball Association (PBA) ug karon maoy presidente sa  Coaches Association of the Philippines (BCAP) ug ingon man maoy  commissioner sa NCAA.

Si Bryan Tabañag, mopaambit sab sa iyang nahibaw-an  kalabot sa officiating. Si Tabañag usa sa mga labing maayong laking amateur referees dinhi sa nasud.  

Ang CESAFI pool of referees nga kinahanglang moapil sa seminar pangulohan ni technical committee supervisor Edwin Dejacto uban sa laing  grupo nga naglakip nilang Rey Cañete, Ed Aguello, Melvin Caumeran, George Encilla, Rodolfo Balongoy, Al Riley, Lasly Lopez, William Diano, Elmer Asignar, Jimmy Ybañez, Petronilo Gesulga, Rodrigo Babanto, Godofredo Villaro, Peter Lalican, Henry Fontanosa, Freddie del Campo, Rodrigo Carmelotes, Chris Perez ug Julius Labalan.

Hinuon, 15 ra kanila ang tugotan nga maka-officiate sa CESAFI, samtang ang uban ibutang sa reserved list. Si Dejacto moduso sa iyang rekomendasyon, apan ang final selection process desideran ni CESAFI commissioner Felix O. Tiukinhoy Jr. ug sa iyang deputy nga si Danny Duran.

Lima ka sakop sa table officials ang paapilon sab  sa maong seminar  nga gilangkuban nilang  Danilo Solon, Petronio Velasquez, Edwin Dejacto Jr., Junnie Velasquez ug Eduardo Catalla.

Ang collegiate ug high school coaches nga giawhag pagtambong mao sila si   Elmer  'Boy' Cabahug ug Al Solis sa UV Green Lancers, Mike Reyes ug Jay Ramirez sa  USC Warriors, Edito Salacut ug  Donaldo Duran sa   USJ-R Jaguars ug Roel Gomez, Caleb Gawangon ug Joever Samonte sa UC Webmasters.

Laing  bench tacticians nga gitakdang motambong sa maong kalihukan mao sila  si Alex dela Torre sa CIT Wildcats, Raul Latonio, Sr. sa USP-F Panthers, Rudy Enterina sa Don Bosco College Greywolves  ug si Dodie Miego sa SWU Cobras.

Samtang sa high school mao sila si Reggie Licanda sa UC Junior Webmasters, Delfin Pepito Jr.  ug  Abel Bungcaras sa UV Baby Lancers, Camilo Go sa USP-F Baby Panthers, Fernando Fuentes sa CIT Wildkittens ug Donaldo Duran sa USJ-R Baby Jaguars.

Ugma, ang seminar adto ipahigayon sa USP-F-Lahug gym. 

Ang 7th CESAFI season buksan karong Agosto 4 diha sa Cebu Coliseum diin magsangka ang UV Lancers ug UC Webmasters sa collegiate ug high school divisions.