Lewis, Billups konpirmado na

AngOrlando Magic mainiton kaayong nisugat ni Rashard Lewis kagahapon human nilampos sila pagkuha sa high-scoring forward gikan sa Seattle SuperSonics pinaagi sa sign-and-trade deal.

Wala pa hinoon matino ang termino sa maong deal, pero ang Orlando Sentinel niposte sa ilang web site nga si Lewis nisanong sa six-year deal nga nibalor og tumataginting nga 118 million dollars.

Mao na kini ang ikaduhang pinakadako nga kontrata sa kasaysayan sa prankisa sa Magic og ikaupat sa kasamtangan nga kontrata sa National Basketball Association.

Sa ilang bahin, ang Sonics makadawat sa future conditional second-round draft pick isip kabahin sa deal.

"Rashard is a young, athletic forward and a proven scorer in this league," matud pang Magic general manager Otis Smith. "We feel his skills will be a tremendous addition to our team and we are very excited to have him join the Magic family."

SiLewis ni-average og career-high 22.4 puntos ug 6.6 rebounds sa 60 ka duwa sa miaging season, nga maoy ika-siyam niya sa NBA. Ang2005 All-Star na draft sa Sonics gikan sa high school sa niaging 1998.

Wala mawili si Lewis sa iyang kanhi team, bisan paman ang Sonics nipugnit ni forward Kevin Durant nga maoy ilang No. 2 overall draft pick, usa sa dakong hinungdan nganong interesado si Lewis pagtapon mao ang pagtrade sa iyang suod nga higalang si Ray Allen ngadto sa Boston Celtics isip bugti ni Jeff Green atol sa draft niadtong Hunyo 28.

Karon, ang 27 anyos, Lewis makig-uban na sa batan-ong team sa Orlando nga aduna nay All-Star center Dwight Howard ug improving point guard Jameer Nelson.

Ang Magic nipatamla usab ni Howard og bag-onglima ka tuig nga kontrata balig85 million dollars.

"We have our two cornerstones now," matud pang coach Stan Van Gundy. "Now you build a team around them."

Ang Magic nakahipos og 40-42 sa miaging season nga igo na kaayong pagpwesto sa kataposang luna sa Eastern Conference playoffs. Apan gisilhig sila sa top-seeded Detroit Pistons sa unang hugna sa conference playoffs.

Sa laing bahin, si Chauncey Billups opisyal nausab nga ni re-sign sa Detroit Pistons , nipirma siya og multi-year deal nga molungtad og lima ka tuig nga gipatabanan og 60 million dollars.

Nabantog nga "Mr. Big Shot" tungod sa iyang mgaclutching shots, si Billups ni-average og 17.0 puntos ug7.2 ka assists sulod 70 ka duwa sa miaging season.