Ang chi ni Emie

Target ang kanilang ikaapat na sunod na panalo, sasagupain ng mainit na Lyceum ang Far Eastern University sa Shakey’s V-League sa The Arena sa San Juan.

Nanggaling ang mga Lyceum spikers sa isang malaking panalo sa SSC noong Huwebes na nag-bigay sa kanila ng ikatlong dikit na tagumpay.

“It feels great (to win three straight games). Looking at the other teams, I think we have a chance at defeating them, but it still depends on how consistently the players do,” ani coach Emil Lontoc ng Lyceum.

Muling babanderahan nina Sherrilyn Carillo, Josielyn Degorostiza at Beverly Boto ang Lyceum sa kanilang pang ala-1 ng hapong laro kontra FEU, nagmula sa isang five-set win sa Adamson.

Aagaw rin ng atensyon ang upakan ng mga top teams ng UAAP at NCAA na La Salle at SSC, ayon sa pagkakasunod, sa ganap na alas-5.

Nasa ilalim ng 3-0 kartada ng Lyceum ang La Salle (2-1), UST (1-1), SSC (1-1), FEU (1-1), Ateneo (1-1), Adamson (0-2) at Letran (0-2).

Sasagupain ng Ateneo Lady Eagles ang Adam-son Lady Falcons sa alas-3 kung saan hangad ng Katipunan-based spikers na maduplika ang kani-lang five-set win sa dating kampeong UST. (Russell Cadayona)