Bautista, Banal bukas na hahatulan

Bukas na ang pinaka-hihintay na araw nina Filipino fighters Rey "Boom Boom" Bautista at AJ "Bazooka" Banal para sa kani-kani-lang hangaring ma-ging isang lehiti-mong world boxing champion. 

"Ito na siguro ‘yung isa sa mga pinakamabigat kong laban," sabi ng 20-anyos na si Bautista, ang kasalukuyang world youth super bantamweight champion. "Kapag nanalo ako kay Sergio Manuel Medina, posible na ‘yung championship fight namin ni Daniel Ponce De Leon."

 Sasagupain ni Bau-tista, may 22-0 win-loss ring record kasama ang 17 knockouts, si Medina, nagbabandera naman ng 28-0 (16 KOs), sa isang eliminator kung saan ang mananalo ang maghaha-mon kay Ponce De Leon. 

Ang 26-anyos na si Ponce De Leon ang kasalukuyang naghahari sa super bantamweight division ng World Boxing Organization (WBO). 

"Talagang titiyakin ko na mananalo ako sa laban na ito dahil para sa Pilipinas ito," sambit ni Bautista, tubong Candijay, Bohol, sa kanilang 12-round super bantamweight eliminator ng 25-anyos na si Medina. 

Makakatapat naman ng 18-anyos na si Banal, may 12-0-1 (10 KOs), si Alberto Rosas (25-2, 22 KOs) ng Mexico para sa kanilang 10-round super flyweight bout. 

Ang 23-anyos na si Rosas ay natalo kay Ser-gio Espinoza via unanimous decision sa world super featherweight fight nina Juan Manuel Mar-quez at Marco Antonio Barrera noong Marso 17 sa Las Vegas, Nevada. 

Ang laban nina Bau-tista at Banal ay kabilang sa undercard ng Oscar Dela Hoya-Floyd May-weather, Jr. world super welterweight championship fight bukas sa MGM Grand sa Las Vegas, Nevada. (RCadayona)