Padayon ang pagsulbong ni Tabotabo

Nagpadayon ang pagsidlak ni Vince Marc Tabotabo human kini mikulit og daog sa pagsugod sa Dunlop-Alina National Tennis Tournament kagahapon didto sa San Pablo, Laguna.

Ang garbo sa Tuburan nga si Tabotabo yano ra kaayong midaog dihang iyang gisirohan si Jaime Gabayan, 6-0, 6-0 sa unisex 10-under class.

Si Tabotabo, kinsa gipaluyohan ni Cebu Vice Governor Greg Sanchez moharong ni Maia Balci sa ikaduhang hugna karong adlawa.

Sa boys 12-under, si Tabotabo wala kaayo mapakatulo sa iyang singot gumikan kay wala man motunga ang iyang kontra nga si Christian San Andrew sa ilang duwa. Si Tabotabo moharong sunod ni Cholo Lao alang sa luna sa quarterfinals.