De la Hoya-Mayweather fight ‘live’ sa Marriott

Makahigayon na sab ang mga Sugbuanon nga mahiligon og boksing sa pagsaksi og eksplosibong binakbakay gumikan kay ang Cebu City Marriott Hotel mokuha og buhing paghulagway pinaagi sa satellite ug momontar kini og duha ka higanteng screens alang niining gipaabot nga superfight tali ni Oscar de la Hoya ug Floyd Mayweather sa The World Awaits'' card karong Domingo sugod sa alas-8:00 sa buntag sa grand ballroom sa maong hotel.

Sa supporting main event ning blockbuster show didto sa MGM Grand sa Las Vegas, Nevada, ang garbo sa Bohol nga si Rey ''Boom Boom'' Bautista mohamag sab batok sa walay pildeng si Sergio Manuel Medina sa Argentina sa official WBO super bantamweight eliminator.

Ang modaog sa away nilang Bautista ug Medina maoy mamahimong mandatory challenger ni WBO super bantamweight Daniel Ponce de Leon sa Mexico.

Ang mga tiket mapalit sa P500. Alang sa reservations, mahimong motawag sa 415-6100.