CCC club championships start

Magsinukliay na sa ilang kumo ang mga beteranong si Fabio Marfa ug Rogen Flores sa ipahigayong "The Feast of Fist and Fury" nga sugdan karong alas-7:00 sa gabii diha sa Tabunok Sports Complex, dakbayan sa Talisay.

Ang duha ka protagonista maoy mag-abot sa main event ning maong promosyon nga usa sa mga highlights sa tinuig nga kapistahan ni St. Joseph the Worker, ang mahal nga patron sa Tabunok.

Magsangka sab sila si Fernando Otik batok Noli Fabroa ug Weng Haya batok ni Jomar Labiogo alang sa supporting main event.

Mohatag og dugang bulok sa maong promosyon mao ang panag-abot sa 12 ka mga away sa Talisay City-based amateur boxers batok sa ALA Boys amateur boxers.

Ang maong promosyon gipasiugdahan sa SGG Promotions ubos ni Sammy G. Gello-ani, Semy Cabuenas Stable, World Broadcasting Corp., Tabunok Barangay Captain Maning Cabriana ug sa Barangay Council.

Gisuportahan sab kini sa Talisay City Sports Commission pinaagi ni MTCC Judge Francisco Seville, kinsa maoy Boxing Commissioner ug Hon. Rodi Cabigas, ang Chairman on Games and Amusements.

Ang maong away mabati sa dyRF-AM band 1215 Khz.