3rd win kinana ng Batang Pier

Inilista ng defending champion Harbour Centre ang kanilang ikatlong sunod na panalo maka-raang igupo ang San Miguel-Magnolia, 79-72 kahapon sa pagpapatuloy ng PBL Unity Cup sa The Arena sa San Juan City.

Ang malaking pagka-dismaya ni JC Intal kama-kailan ay kanyang binawi nang trangkuhan nito ang Batang Pier sa kanyang kinanang 15 puntos, 5 re-bounds, 3 steals at isang assist na pinakamaganda niya sa season-ending tournament na ito.

Tatlo pang Harbour Centre players ang pu-moste ng doble figures na binanderahan ni Jason Castro ng 10 puntos, 8 rebounds at 4 assists sa loob ng 24 minutong paglalaro.

May pinagsamang 25 puntos naman sina Ryan Araña at Chico Lanete.

Sa ikalawang laro, nagpakawala ng tres ang three-point king na si Patrick Cabahug may 26.3 segundo na lamang ang nalalabi at itala ang kapana-panabik na 78-71 panalo ng Toyota Balinta-wak laban sa inaalat na Henkel Sista.